Empresas privadas, constituídas por mulleres, que inicien a súa actividade económica ou formalicen o seu plan de reactivación e/ou mellora entre o 14/08/2025 e o 03/08/2026, microempresas ou pequenas empresas calquera que sexa a súa forma xurídica, cando a administración da empresa sexa exercida por mulleres e o capital social estea maioritariamente subscrito por mulleres (no caso de pequenas empresas) e integramente subscrito por mulleres (no caso de microempresas).

As promotoras deben estar de alta na Seguridade Social, vinculadas laboralmente á empresa, desenvolvendo a súa actividade de forma habitual nela.

Non se terán en conta as autónomas colaboradoras.

No caso de creación de postos de traballo indefinidos a tempo parcial, só se terán en conta cando a xornada de traballo non sexa inferior ao 50% de xornada; ou cando o período de actividade dos fixos-descontinuos non sexa inferior a 9 meses anuais.

Non poderán ser beneficiarias aquelas que percibisen axudas EMEGA nas convocatorias dos anos 2021 a 2025, ambos incluídos, nin se poden percibir axudas do programa EMEGA durante máis de dúas convocatorias.

Liñas de axuda:

               EMEGA EMERXE

Dirixido a empresas de nova creación, que inicien a súa actividade entre o 14/08/2025 e o 03/08/2026.

Entre outros requisitos, ten que supoñer a creación dos postos de traballo de todas as promotoras; desempregadas durante un período mínimo de 1 mes inmediatamente anterior á data de inicio da actividade. No caso de empresas constituídas por máis de unha promotora, a condición de desempregada deberá cumprirse polo 50% das promotoras, como mínimo.

CONTÍA: Entre 10.000 e 22.000 €, segundo o número de postos de traballo para mulleres que se creen.

EMEGA IMPULSA

Dirixido a empresas que acrediten a realización efectiva da actividade empresarial por un período mínimo de 3 anos anteriores ao mes de finalización do prazo de presentación de solicitudes; e que presenten un proxecto de reactivación para o mantemento do emprego e para asegurar o equilibrio empresarial ou un proxecto de mellora. Deberán manter ou incrementar o número de postos de traballo por conta propia ou allea preexistentes na empresa.

Os proxectos de reactivación e consolidación ou de mellora deberán consistir nalgunha das seguintes medidas:

.- Cambio de localización da actividade.

.- Acondicionamento ou renovación das instalacións.

.- Renovación do equipamento informático e/ou aplicacións informáticas.

.- Compra de maquinaria ou ferramentas.

.- Implantación de novas tecnoloxías para a comercialización dos produtos ou servizos.

A alta na seguridade social das traballadoras que ocupen os novos postos creados como consecuencia deste proxecto, deberán formalizarse entre o 14/08/2025 e o 03/08/2026.

CONTÍA: Entre 8.000 e 17.000 euros, segundo o número de postos de traballo para mulleres que se manteñan ou se creen.

EMEGA INNOVA

Dirixido a empresas de nova creación que respondan a un proxecto empresarial de carácter innovador, no eido da investigación e da tecnoloxía; que inicien a actividade entre o 14/08/2025 e o 03/08/2026.

A actividade a desenvolver debe ter un claro carácter innovador, con alto contido científico ou tecnolóxico, ter como obxectivo principal a aplicación de desenvolvementos tecnolóxicos no ámbito produtivo, de novo coñecemento, de novo coñecemento aplicado, de resultados do avance científico e de I+D+i, ou nos cales a presenza de elementos intanxibles xeradores de valor sexa especialmente importante.

A promotora ou unha delas, como mínimo, deberá ter titulación universitaria en calquera das áreas de coñecemento en que se basea a iniciativa empresarial.

CONTÍA: Entre 18.000 e 42.000 euros, segundo os postos de traballo para mulleres que se creen.

EMEGA CONCILIA

Axuda complementaria de calquera das tres liñas anteriores, para favorecer a conciliación da vida laboral e familiar.

MODALIDADES:

.- Concilia-Promotora. Incentivo de 3.000 euros por empresa, cando algunha promotora teña fillos menores de 3 anos (na data de finalización do prazo de xustificación).

.- Concilia-Persoas Traballadoras. Incentivo de ata 5.000 euros por empresa, segundo o tipo de pacto de conciliación ou acordos individuais de teletraballo e o número de traballadores afectados.

PRAZO DE SOLICITUDE: Ata o 3 de agosto.

BASES DA CAMPAÑA: “Día do Comercio”

1. Entidade organizadora: Asetem
2. Participantes: Todas as persoas maiores de idade que compren no día 12 de xuño no comercio local asociado de Melide.
3. Duración e dinámica da actividade: Primeiro de todo as tendas participantes contarán con distintos descontos nos produtos e servizos que ofrecen durante ese día. A dinámica será que con tíckets superiores a 50 euros (como máximo faranse tiradas por tíckets de valor de 150€, é dicir 3 tiradas por vale) contarase con premio seguro nunha tirada á ruleta que estará composta por distintos premios, esta realizarase á noite (arredor das 21:45h) e ata fin de existencias.

A isto hai que engadirlle a actividade complementaria de Escape Room na que as persoas que descubran o patrimonio que está presente en todos os colaxes dos comercios entrarán nun sorteo dun lote de produtos Asetem e uns doces. As papeletas coa resposta deben depositarse na Cafetería – Pastelería Estilo antes das 21:30h deste venres, 12 de xuño.

4. Premios: Os premios da ruleta serán artigos promocionais de Asetem e artigos outorgados polas tendas participantes, ata fin de existencias.
5. Sorteo: Realizaranse as tiradas a ruleta o propio día 12 de xuño (arredor das 21:45h), dependendo do gajo no que a persoa participante caia deberá coller unha papeleta dunha urna para coñecer o premio exacto. Todos os premios teñen unidades limitadas.
6. Aceptación: a participación nesta actividade implica a total aceptación das bases.

• Sueños Melide
• Magnin
• Óptica Melide
• Alain Afflelou
• Sport Moda
• Stardemoda
• Meixela Centro de Estética
• Leiva Motosport
• Calzados Broz
• Toysmaniatic
• Electrosan
• Xoiería Roval
• Pro Diva
• Grupo Noguerol
• Siken Moda
• Romero Zapaterías
• Mercería Isabel
• Librería Victoria
• Óptica Tábora
• Moda Vy Melide
• Mobles Ares
• Xoiería Oro Ley

Ademais, para premiar a fidelidade da clientela dos comercios de proximidade e facer esta iniciativa máis visible, durante a mañá do 3 de maio os establecementos asociados repartiran unha pequena planta de agasallo. Para complementar esta liña de acción durante o sábado 2 de maio haberá un photocall na Praza do Convento para que as persoas poidan sacar alí fotos co lema da campaña, entre as fotos que se suban ás redes sociais neste photocall sortearase un vale de compra de 30 euros, para gastar nos establecementos asociados. Ademais, todas as imaxes que se suban terán premio directo. Nas fotos que se suban ás redes sociais (Instagram, Facebook ou X) deben etiquetar e seguir a Asetem e usar o #otradicionalémercaraquí.

4. Período de participación para entrar no sorteo: entrarán no sorteo todas os tíckets, de 15 euros ou máis, que se suban á App de Asetem entre o 20 de abril e o 3 de maio de 2026.

5. Aceptación: a participación nesta actividade implica a total aceptación das bases.

Durante estes días as persoas que merquen nos establecementos de proximidade asociados poderán entrar nun sorteo de tres almorzos (valorados en 20 euros) e dúas comidas ou ceas (valoradas en 100 euros). O funcionamento da campaña será o seguinte: as usuarias e usuarios que compren no comercio local, entre o 1 e o 12 de febreiro, e teñan un tícket igual ou superior a 10 euros poderán subilo á App de Asetem e entrar no sorteo dos almorzos e comidas. Os vales de almorzo serán para gastar en: Pastelería-Cafetería Estilo, Panadería Toques e Panadería Manso. O sorteo realizarase o venres 13 de febreiro e comunicaranse as persoas gañadoras nas redes sociais da Asociación (Instagram, Facebook e X).

Este mes de febreiro atopa o amor no comercio local e apoia ás tendas da vila.