As empresas solicitantes poderán ser pemes ou persoas traballadoras autónomas, que teñan subscritos contratos con persoas traballadoras por conta allea con domicilio social e centro de traballo en Galicia, calquera que sexa a súa forma xurídica, e que estean validamente constituídas no momento de presentar a solicitude de axudas.

Para as liñas II e III tamén poderán presentar solicitude as empresas con centros de traballo en Galicia.

As entidades sen ánimo de lucro poderán presentar solicitude para a liña I, para a subliña 1 e a subliña 2 da liña II e para a liña III.

No caso da liña I, as empresas deberán contar como mínimo con dez persoas traballadoras e cun máximo de 49.

Para a liña II, se a solicitude é para as subliñas 1 e 3, as empresas deberán contar cun mínimo dunha persoa traballadora, e se a solicitude é para a subliña 2, as empresas deberán contar cun mínimo de cinco persoas traballadoras.

Para a liña III, as empresas deberán contar cun mínimo de cinco persoas traballadoras.

Obxecto

Establecer as bases reguladoras, para o ano 2026, para a concesión, en réxime de concorrencia competitiva, de axudas e incentivos a pemes, incluídas persoas traballadoras autónomas, para implantar sistemas de xestión de RSE (TR357B), a igualdade laboral (TR357C), así como para adoptar medidas de corresponsabilidade e de conciliación da vida familiar, persoal e laboral (TR357D), no ámbito da Comunidade Autónoma de Galicia.

Bases reguladoras

Orde do 29 de decembro de 2025 pola que se establecen as bases reguladoras do Programa de axudas para implantar a igualdade laboral, a conciliación e a responsabilidade social empresarial (RSE), e se procede á súa convocatoria para o ano 2026 (códigos de procedemento TR357B, TR357C e TR357D).

https://www.xunta.gal/dog/Publicados/2026/20260218/AnuncioG0767-301225-0010_gl.html

Importe

Para a concesión destas axudas destínase un millón catrocentos mil euros (1.400.000 €), de acordo coa seguinte distribución:

Liña I. Elaboración e implantación de plans de igualdade: douscentos mil euros (200.000 €).

Liña II. Conciliación: un millón cen mil euros (1.100.000 €).

Subliña 1. Incentivos para o fomento do teletraballo: cento cincuenta mil euros (150.000 €).

Subliña 2. Incentivos para o fomento da flexibilidade horaria: setecentos cincuenta mil euros (750.000 €).

Subliña 3. Investimentos: douscentos mil euros (200.000 €).

Liña III. Certificacións RSE: cen mil euros (100.000 €).

Prazo de presentación de solicitudes

O prazo para a presentación de solicitudes será dun mes contado desde o xoves 20 de febreiro de 2026.

A proposta educativa consta de 3 tipos de obradoiros que se desenvolveron ao longo de 20 sesións. Neste programa traballa os estereotipos de xénero e a violencia machista presentes na nosa sociedade, e promove unha educación libre de violencia rompendo prexuízos e claves para identificar a violencia machista, así como promover relacións saudables entre iguais dende as idades máis temperás.

Os obradoiros realizados foron: teatro en igualdade, videoxogos en igualdade e videoxogos e Redes Sociais en igualdade para familias en liña. Nestas actividades propúxose unha pedagoxía coeducativa que promove a creatividade, a crítica, a comunicación e a resolución de conflitos desde as familias.

Esta iniciativa está enmarcada dentro das axudas dirixidas ás ANPAs do alumnado de centros educativos de Galicia coa finalidade de potenciar a promoción da igualdade e a prevención da violencia de xénero, financiada polo Ministerio de Igualdade e a Xunta de Galicia.