Melide | ASETEM, Asociación Empresarios Terra de Melide

Cerne 247 – Setembro 2026

asetem — Thu, 10 Sep 2026 08:02:08 +0000

CERNE 247 – SETEMBRO 2026

Cerne 246 – Agosto 2026

asetem — Thu, 06 Aug 2026 07:57:49 +0000

CERNE 246 – AGOSTO 2026

Cerne 245 – Xullo 2026

asetem — Wed, 15 Jul 2026 10:48:26 +0000

CERNE 245 – XULLO 2026

Bases Día do Comercio

asetem — Fri, 12 Jun 2026 07:52:32 +0000

CAMPAÑA “Día do Comercio”

BASES DA CAMPAÑA: “Día do Comercio”

Entidade organizadora: Asetem
Participantes: Todas as persoas maiores de idade que compren no día 12 de xuño no comercio local asociado de Melide.
Duración e dinámica da actividade: Primeiro de todo as tendas participantes contarán con distintos descontos nos produtos e servizos que ofrecen durante ese día. A dinámica será que con tíckets superiores a 50 euros (como máximo faranse tiradas por tíckets de valor de 150€, é dicir 3 tiradas por vale) contarase con premio seguro nunha tirada á ruleta que estará composta por distintos premios, esta realizarase á noite (arredor das 21:45h) e ata fin de existencias.

A isto hai que engadirlle a actividade complementaria de Escape Room na que as persoas que descubran o patrimonio que está presente en todos os colaxes dos comercios entrarán nun sorteo dun lote de produtos Asetem e uns doces. As papeletas coa resposta deben depositarse na Cafetería – Pastelería Estilo antes das 21:30h deste venres, 12 de xuño.

Premios: Os premios da ruleta serán artigos promocionais de Asetem e artigos outorgados polas tendas participantes, ata fin de existencias.
Sorteo: Realizaranse as tiradas a ruleta o propio día 12 de xuño (arredor das 21:45h), dependendo do gajo no que a persoa participante caia deberá coller unha papeleta dunha urna para coñecer o premio exacto. Todos os premios teñen unidades limitadas.
Aceptación: a participación nesta actividade implica a total aceptación das bases.

Cerne 244 – Xuño 2026

asetem — Tue, 09 Jun 2026 08:50:54 +0000

CERNE 244 – XUÑO 2026

Asetem celebra o Día do Comercio este venres con premios, descontos e dinamización nas rúas da localidade melidá

asetem — Mon, 08 Jun 2026 09:46:05 +0000

O comercio local vivirá este venres, 12 de xuño, unha das súas citas máis destacadas coa celebración do Día do Comercio, unha campaña promovida pola asociación de Empresarios e Empresarias da Terra de Melide co obxectivo de dinamizar as compras e apoiar o tecido comercial da vila.

A xornada estará centrada en incentivar o consumo de proximidade mediante descontos nos produtos e servizos das tendas participantes, convertendo o día nunha oportunidade para que a clientela poida realizar compras en condicións vantaxosas e descubrir a oferta do comercio local.

Ademais das rebaixas, a campaña inclúe diferentes propostas para premiar as compras durante o día. Aquelas que superen os 50 euros en compras poderán participar nunha acción promocional nocturna cunha ruleta de premios, que se celebrará arredor das 21:45 horas no Cantón de San Roque, ata esgotar existencias. Os premios inclúen tanto artigos promocionais como produtos achegados polos propios establecementos participantes.

A iniciativa está aberta a todas as persoas maiores de idade que realicen compras ese día no comercio local de Melide, e desde a organización destacan a importancia de implicar á veciñanza para consolidar unha xornada que busca poñer en valor o papel do comercio de proximidade na vida económica e social da vila.

Como actividades complementarias temos: obradoiro infantil para todos os nenos e nenas no Cantón de San Roque, a partir das 17:30 horas, e tamén unha merenda doce para os que se acheguen ata alí. Para dinamizar as rúas da localidade o grupo de música tradicional “Os da Taberna” tocará diversas pezas polas rúas para animar á veciñanza a saír comprar nas tendas locais.

A maiores, Asetem incorporará este ano unha proposta innovadora dirixida a dinamizar a participación da veciñanza: a posibilidade de que a clientela participe nunha experiencia tipo escape room distribuído polos escaparates dos establecementos.

Esta iniciativa forma parte dunha acción formativa promovida por ASETEM, que busca transformar os escaparates nunha experiencia interactiva. Baixo o lema de que “Melide conta historias”, cada comercio converterá a súa vitrina nunha pequena escena conectada cun relato común, creando un percorrido que permitirá ao público reconstruír unha historia colectiva mentres recorre as tendas.

A dinámica, inspirada nos xogos de escape, consistirá en buscar pistas distribuídas nos escaparates, de maneira que cada escena achegue unha parte da solución final. As persoas participantes deberán interpretar os contidos e completar o percorrido para dar co significado global da proposta, favorecendo así unha experiencia lúdica e participativa arredor do comercio local.