Os premios Comercio Galego contan cos seguintes categorías:

• Premio Comercio Galego 2026. Recoñecerase ao establecemento comercial que exemplifique que os valores do sector comercial de proximidade mediante a implantación dun modelo de negocio moderno, competitivo e adaptado aos novos retos. Contía de 5.000 euros.
• Premio Comercio Traxectoria 2026. Recoñecerase ao comercio cunha longa e consolidada traxectoria comercial que pola súa permanencia e continuidade cree un vínculo de especial arraigo coa súa vila. Contía de 3.000 euros.
• Premio Comercio Emprende 2026. Recoñecerase ao establecemento comercial novo que ofreza á clientela unha experiencia de compra diferenciada. Contía de 3.000 euros.
• Premio Comercio Dinamización 2026. Recoñecerase a implementación do mellor proxecto ou iniciativa de dinamización comercial nos últimos 3 anos (2024 – 2026) co obxectivo de incrementar as vendas e potenciais clientes/as. Contía de 5.000 euros.
• Premio Comercio Sostible 2026. Recoñecerase ao mellor proxecto ou iniciativa de promoción do consumo sostible e responsable. Contía de 3.000 euros.

O prazo de solicitudes pecharase o 15 de xuño.

Premios Comercio Galego 2026. Bases

Estes galardóns pretenden fomentar a imaxe positiva das iniciativas e realzar o seu papel como xeradores da riqueza, emprego e benestar, contribuíndo á súa sustentabilidade, fomentando a cultura
emprendedora e potenciando o rural.

Contarase cun orzamento total de 75.000 euros, que se dividirán da seguinte maneira:

20.000 euros á candidatura gañadora decada unha das 3 categorías: a 1ª categoría leva por nome «iniciativa emprendedora», empresas que iniciaran a súa actividade profesional nas anualidades 2023, 2024 e 2025, a 2ª modalidade é «traxectoria empresarial», que comezaron a súa actividade durante o 2022 ou con anterioridade e a última categoría é «proxección e innovación sostible», neste caso sen postulación de candidaturas previa.

A maiores o xurado poderá conceder ata 3 accésits de 5.000 euros cada un a proxectos que, sen conseguir o galardón principal, mostren méritos destacados.

O prazo remata este vindeiro, 16 de maio de 2025.

Nesta convocatoria participarán preto de 70 comercios locais, o que afirma a boa acollida que esta iniciativa ten cada ano. Dende a directiva de Asetem fan fincapé na necesidade de que “a poboación aposte por mercar os agasallos e produtos de Nadal nas tendas da vila porque non é preciso comprar nas cidades, grandes superficies ou a través da rede para atopar os mellores regalos a bos prezos”. A maiores, dende a Asociación empresarial destacan que “o feito de comprar no municipio implica que o pobo medre e isto é beneficioso para toda a veciñanza”,

“Este Nadal toca en Melide” sorteará dous premios de 1.000 euros e 4 de 500 euros na tradicional Gala de Nadal. Como xa é habitual, as tendas participantes obsequiarán á clientela con rifas numeradas coas que entrar no sorteo. E, como novidade desta edición, haberá 10 vales de 50 euros para sortear a través da APP de Asetem, entre todos os tíckets subidos entre o 1 de decembro de 2024 e o 10 de xaneiro de 2025.

O obxectivo principal desta campaña é o fomento das compras nos establecementos comerciais de Melide, premiando a fidelidade da clientela mediante o sorteo de vales de compra. Estes premios serán gastados de novo nos establecementos de proximidade, o que garante a repercusión no eido comercial da localidade.

A Gala de Nadal celebrarase o venres 10 de xaneiro de 2024 no Centro Sociocultural Mingos de Pita. Neste evento contaremos coas actuacións de: Leti da Taberna, Irene Ruiz Carmuega e Juan Carlos Mazás Sanmartín. Entre as persoas asistentes á Gala sortearase un premio adicional chamado “Lote Asetem” cun valor de 200 euros.

Para as compras de Nadal, merca en Melide!

Establecementos participantes: Mis Mejores Labores, Mobles Ares, Zafiro Tours, Xanela Ocio e Animación, Muebles Buján, Meixela Centro de Estética, Mobles Paula, Leiva Motosport, Óptica Alain Afflelou, Carnicería Cardelle, Recambios Sando, Viñoteca Ribeirao, Carnicería Penas, Phone House, Melimática, Pandería Toques, Xoiería Oro Ley, Sportmoda, Muxica, Grupo Noguerol, Instituto de la Sordera, Xoiería Roval, Óptica Tábora, Laia Zapateiros, CC Xestión, Calzados Broz, Estanco Angarela, Parafarmacia Ulloa, Mercería Isabel, Santín&Amo, Romero Zapaterías, Pro Diva, Toysmaniatic, Electrosan, Goalkers Melide, Electricidade Vilela, Xoiería Silvela, Estación de Servicios Corredoiras, Librería Victorio, Sueños, Pasarela Moda, Anic Difusión, Casa Mejuto, Daniel’s Barber, Cafetería – Pastelería Estilo, Casa Juanito, Escala Espectáculos, Casa Santos, Floristería Maru, Magnin, Ótpica Melide, A Barbería de Iago, Mercería Marvi, Pastelería Trisquel, Pescados Manolo, Recambios Vulcano, Yethi Carburantes, Latexo Logopedia, Librería Cousas, Imprenta Meligraf, Sakho, Carnicería Lamas, Miguel Floristas e Sobratok Gym.

Hai 5 categorías:

• Premio Comercio 2024 (5.000€)

Para o establecemento comercial que mellor exemplifique os valores do sector comercial de proximidade mediante a implantación dun modelo de negocio moderno, competitivo e adaptado aos novos retos

• Premio Comercio Traxectoria 2024 (3.000€).

Recoñecerase á persoa cunha longa e consolidada traxectoria profesional comercial que pola súa permanencia e continuidade cree un vínculo de especial arraigo coa súa vila

• Premio Comercio Emprende 2024 (3.000€).

Destinado ao establecemento comercial xove que ofreza á clientela unha experiencia de compra diferenciada

• Premio Comercio Dinamización 2024 (5.000€).

Distinguirá a implantación do mellor proxecto ou iniciativa de dinamización comercial nos últimos tres anos (2022-2024) co obxectivo de incrementar as vendas e potenciais clientes/as

• Premio Comercio Consumo Responsable 2024 (3.000€).

Dirixido ao mellor proxecto ou iniciativa de promoción do consumo responsable.

As candidaturas poderán presentarse ata o vindeiro 28 de outubro.

Nesta campaña participan 28 comercios asociados que son: Leivamotosport, Calzados Broz, Óptica Tábora, Mis Mejores Labores, Electrosan, Sakho Moda, Mercería Isabel, Magnin, Goalkers, Juifi, Xoiería Roval, Toysmaniatic, Óptica Alain Affleou Melide, Pro Diva, Cafetería – Pastelería Estilo, SportModa, Borboriños Xeados, Marvi, Pasarela Moda, Xoería Roval, Romero Zapaterías, Flor de Toxo, Sueños e El Dándolo, Parafarmacia Ulloa, Xoiería Oro Ley, Colorín Colorado, Creaciones MJ e Muxica Tenda Xoven.

Estes establecementos contarán con descontos e ofertas especiais dende as 10:00 ata as 22:00 horas, de xeito ininterrompido. Todas as persoas que compren nestas tendas durante o venres 7 de xuño poderán participar na Choiva de Globos da Noite Aberta que repartirá máis de 500 premios. Esta Choiva de Globos será o venres ás 22:30 horas, na Praza do Convento, e contará cun animador para facer máis divertido este gran evento. Para entrar na Praza do Convento á Choiva de Globos, as persoas que merquen durante o venres nos comercios locais terán que amosar o tícket dese día e poderán coller os globos premiados. Sobre esta Praza melidense caerán 1.500 globos, dos cales máis de 500 levan unha tarxeta con premio. Estes premios son cedidos por diversas empresas e comercios, así como por entidades colaboradoras e da propia Asociación de Empresarios e Empresarias.

Ademais, con motivo da Noite Aberta, a través da APP de Asetem sortearanse varios vales de compra, cun importe total de 200 euros, para gastar nos establecementos de proximidade asociados á entidade empresarial. Para participar neste sorteo é preciso que a clientela suba os tíckets de compra do 7 de xuño á APP de Asetem. Coa Choiva e Globos e o sorteo da APP esta edición da Noite Aberta do comercio local reparte preto de 5.000 euros en premios polo que se converte na 2ª campaña con maiores premios en termos económicos, só por detrás da iniciativa ‘Este Nadal toca en Melide’.

Esta iniciativa ten como finalidade promover e impulsar o comercio local melidense xusto ao comezo do verán así como animar á poboación a mercar nos establecementos da vila.

Esta actividade, organizada por Asetem, está cofinanciada pola Xunta de Galicia.

O principal obxectivo desta actividade é o fomento e impulso das compras nos comercios melidenses premiando a fidelidade da clientela mediante o sorteo de vales de compra para gastar nestes mesmos establecementos. Para levar a cabo esta acción de promoción as tendas obsequiarán á súa clientela con rifas ao realizar compras de calquera importe entre o día 1 de decembro e o 13 de xaneiro de 2023.

Ese mesmo día, o 13 de xaneiro celebrarase no Centro Sociocultural Mingos de Pita a gala do sorteo de Nadal para repartir os premios: un de 2.000 euros, dous de 1.000, e catro de 500 euros. Ademais, entre os asistentes á gala sortearase unha tarxeta regalo para unha escapada de fin de semana para dúas persoas polo que asistir a este evento é de gran importancia para os usuarios e usuarias. A maiores, para facer desta gala unha xuntanza máis amena e especial, a cantante Tania Veiras será a encargada de conducir o evento e deleitaranos con algunhas das súas cancións.

Este Nadal merca en Melide!

Bases Campaña Este Nadal toca en Melide

Establecementos participantes

“Por cada compra realizada nos establecementos asociados, sexan comercio ou empresa, os clientes recibirán un ano máis as rifas para poder participar no sorteo final”, explica Pilar López, xerente de Asetem – Centro Comercial Aberto.

Será o 10 de xaneiro cando se celebre o sorteo final nunha gala na Casa da Cultura de Melide a partir das 20.30 horas. O evento estará presentado nesta ocasión pola cantante e imaxe de Asetem – CCA, Eva Iglesias, que tamén deleitará a todos os presentes con varias actuacións.

Así mesmo, no transcurso da gala celebrarase un recital de poesía a cargo de Ana Vila Portomeñe, coñecida como “a poeta labrega”, e María Luisa Pereiro, escritora, modista e socia de Asetem.

De novo, 6.200 euros en premios
Nesta edición, e por terceiro ano consecutivo, volven a repartirse 6.200 euros en premios distribuídos en un de 2.000 euros, dous de 1.000, catro de 500 e un adicional de 200 euros entre os asistentes á gala do venres día 10. Para participar no premio directo sorteado entre o público, os asistentes terán que amosar as rifas de haber mercado nalgún establecemento do Centro Comercial Aberto Asetem.

O sorteo celebrarase como de costume ante notario e os premios serán entregados en vales de compra para volver a investir nas tendas e empresas locais.

“A verdade é que o Nadal en Melide sempre resulta, sempre hai un bo nivel de vendas e de feito os comerciantes en xeral fan a súa mellor campaña nesta época”, recalca a xerente dos empresarios, que tamén destaca que o obxectivo final que se persegue é sempre “a dinamización da economía local”.

A novidade deste ano chega da man dun vídeo elaborado para as redes sociais co que se pretende “difundir e promover dun xeito máis actual e dinámico o sector comercial e empresarial da localidade”; un vídeo que se suma aos tradicionais anuncios gratuítos emitidos en Radio Melide grazas ao convenio que a asociación de empresarios mantén coa emisora local.

80 establecementos e 70.000 rifas
Mantendo a liña de anos anteriores este ano participan arredor de 80 establecementos asociados pertencentes a todo tipo de sectores e, igual que na campaña anterior, tamén se repartirán 70.000 rifas; unha cantidade que adoita entregarse na súa totalidade.

Unha vez realizado o sorteo, os afortunados terán ata o 31 de xaneiro ás 13.00 horas para recoller o premio nas oficinas de Asetem. “De non aparecer ese día a esa hora, o premio pasará ao número de reserva e, en caso de que este tampouco aparecese, quedará deserto”, indicou Pilar López.

A campaña de Nadal está organizada polo Centro Comercial Aberto Asetem en colaboración co Concello de Melide e a Xunta de Galicia a través da Dirección Xeral de Comercio.