• Sueños Melide
• Magnin
• Óptica Melide
• Alain Afflelou
• Sport Moda
• Stardemoda
• Meixela Centro de Estética
• Leiva Motosport
• Calzados Broz
• Toysmaniatic
• Electrosan
• Xoiería Roval
• Pro Diva
• Grupo Noguerol
• Siken Moda
• Romero Zapaterías
• Mercería Isabel
• Librería Victoria
• Óptica Tábora
• Moda Vy Melide
• Mobles Ares
• Xoiería Oro Ley

Os premios Comercio Galego contan cos seguintes categorías:

• Premio Comercio Galego 2026. Recoñecerase ao establecemento comercial que exemplifique que os valores do sector comercial de proximidade mediante a implantación dun modelo de negocio moderno, competitivo e adaptado aos novos retos. Contía de 5.000 euros.
• Premio Comercio Traxectoria 2026. Recoñecerase ao comercio cunha longa e consolidada traxectoria comercial que pola súa permanencia e continuidade cree un vínculo de especial arraigo coa súa vila. Contía de 3.000 euros.
• Premio Comercio Emprende 2026. Recoñecerase ao establecemento comercial novo que ofreza á clientela unha experiencia de compra diferenciada. Contía de 3.000 euros.
• Premio Comercio Dinamización 2026. Recoñecerase a implementación do mellor proxecto ou iniciativa de dinamización comercial nos últimos 3 anos (2024 – 2026) co obxectivo de incrementar as vendas e potenciais clientes/as. Contía de 5.000 euros.
• Premio Comercio Sostible 2026. Recoñecerase ao mellor proxecto ou iniciativa de promoción do consumo sostible e responsable. Contía de 3.000 euros.

O prazo de solicitudes pecharase o 15 de xuño.

Premios Comercio Galego 2026. Bases

Prazo de solicitude de calquera destas axudas, ata o 30/09/2026, ás 20:00 horas.

(concorrencia non competitiva, subvención aos expedientes completos máis rápidos)

PROMOCIÓN DO EMPREGO AUTONOMO

LIÑAS DE AXUDA.

Liña 1. AXUDA AO INICIO DA ACTIVIDADE ECONÓMICA E O MANTEMENTO DO AUTOEMPREGO COMO TRABALLADOR POR CONTA PROPIA.

BENEFICIARIOS e requisitos, entre outros:

Persoas autónomas, desempregadas e inscritas como demandantes de emprego, que causen alta no réxime especial de Seguridade Social por conta propia (RETA) entre o 01/10/2025 e o 30/09/2026, como titulares dun negocio ou cotitulares (exclusivamente mediante sociedade civil, comunidade de bens ou entidades sen personalidade xurídica de nova creación).

Deberán ter iniciada a actividade laboral antes da solicitude da subvención e non haber tido ningunha alta inicial como autónomo nos 5 anos anteriores a esta convocatoria.

CONTÍA:

Entre 2.000 e 7.000 euros, segundo o colectivo de pertenza do solicitante.

OBRIGAS, entre outras:

.- Manter a alta no RETA durante un tempo mínimo de 24 meses ininterrompidos.

.- Manter a forma xurídica elixida durante 12 meses.

Liña 2. AXUDA PARA SUFRAGAR A COTA REDUCIDA DE SEGURIDADE SOCIAL

BENEFICIARIOS:

Persoas autónomas, desempregadas e inscritas como demandantes de emprego, que causen alta no RETA entre o 01/10/2025 e o 30/09/2026, como titulares ou cotitulares dun negocio ou explotación de nova creación (no caso de socios de sociedades mercantís, que inicien a actividade desde o 30/09/2025).

.- Subliña 1:

Contía: 960 euros (equivalentes a 80 € mensuais durante 12 meses)

.- Subliña 2: Autónomos dos sectores agrícola, gandeiro e silvícola. Se ben, os autónomos en pluriactividade con outras non agrarias, accederán á subliña 1.

Contía: 1.920 euros (equivalentes a 80 € mensuais durante 24 meses)

Beneficiarios:

Persoas autónomas, desempregadas e inscritas como demandantes de emprego, que causen alta no RETA entre o 01/10/2024 e o 30/09/2025, como titulares ou cotitulares dun negocio ou explotación de nova creación.

Contía: 960 euros.

Obrigas, entre outras:

.- Manter a alta no RETA 12 meses ininterrompidos na subliña 1, ou 24 meses ininterrompidos na subliña 2.

.- Manter a forma xurídica elixida durante 12 meses.

BONO NOVA OPORTUNIDADE

BENEFICIARIOS:

Persoas autónomas que teñan sido autónomas con anterioridade e queren volver emprender.

REQUISITOS, entre outros:

.- Persoa desempregada, inscrita como demandante de emprego, que careza de ocupación efectiva.

.- Causar alta no RETA entre o 01/10/2025 e o 30/09/2026.

.- Ter unha alta anterior no RETA dentro dos 5 últimos anos anteriores a esta convocatoria, excluídos os autónomos colaboradores.

.- Ter cotizado antes desta nova alta, polo menos, 3 meses ininterrompidos.

.- Transcorrer un mínimo de 6 meses entre a nova alta en RETA e a anterior baixa.

Poderán ser beneficiarios as persoas autónomas que formen parte de comunidades de bens, sociedades civís ou outras entidades sen personalidade xurídica de nova creación, constituídas con data posterior ao 01/10/2025 e antes da presentación da solicitude.

Quedan excluídas as persoas que xa foran beneficiarias desta axuda con anterioridade.

CONTÍA: 7.500 euros, que se incrementará en 500 euros no caso de que a beneficiaria sexa muller.

OBRIGAS, entre outras: Manter a nova alta no RETA durante un mínimo de 24 meses.

BONO REMUDA

BENEFICIARIOS E REQUISITOS.

Poderán ser beneficiarias as persoas traballadoras autónomas, as sociedades de calquera clase, que cumpran os seguintes requisitos:

.- A remuda deberá estar motivada por xubilación ou proximidade da idade de xubilación (62 anos ou máis) do titular do negocio; incapacidade permanente en grao de total, absoluta ou gran invalidez; ou falecemento. As persoas que remudan o negocio non poden estar en ningunha situación de xubilación activa, cando se produza a remuda.

.- O negocio obxecto da remuda debe ter unha antigüidade mínima de 5 anos.

.- Que non teñan transcorrido máis de 12 meses entre a publicación desta subvención e a baixa no RETA e na actividade do antigo titular do negocio, que se trate da mesma actividade do negocio que se remuda e que se desenvolva no mesmo local (no caso de precisar local).

.- Que o negocio obxecto de Remuda estea inscrito na Bolsa de Remuda da Rede de Polos de Emprendemento, salvo negocios que foran obxecto de remuda antes da publicación desta subvención.

.- Que a transmisión se materialice mediante un contrato de traspaso ou venda do negocio, en escritura pública, no que deberá constar o prezo total, descrición detallada dos elementos que forman parte da remuda, e indicación expresa da remuda como obxecto do contrato.

.- No caso de transmisión de persoas societarias, deben posuír máis do 50% de participación na sociedade que se traspasa.

.- Que se realice o cambio de titularidade da licenza municipal de apertura ou actividade, ou comunicación previa.

Quedan excluídas as persoas ou entidades que foran beneficiarias e percibiran a axuda do Bono Remuda en anteriores convocatorias.

LIÑAS DE AXUDA.

Liña 1: BONO REMUDA RURAL, para negocios en concellos de menos de 10.000 habitantes.

Liña 2: BONO REMUDA XERAL, para negocios situados no resto de concellos.

CONTÍA.

O Bono Remuda subvenciona o prezo, sen IVE, estipulado no contrato de remuda. No caso de que se acceda á remuda mediante un contrato de alugueiro de local e medios produtivos o importe a percibir será o equivalente aos 18 primeiros meses de aluguer.

Na Liña 1 a porcentaxe de subvención será do 75% do prezo do contrato de remuda. Na Liña 2 a subvención será do 70% do prezo do contrato de remuda.

A porcentaxe da axuda, só no caso de persoas físicas, incrementarase nun 5% máis, acumulables entre si, no caso de negocios adquiridos por unha muller, persoa menor de 30 anos, persoa maior de 52 anos, desempregado de longa duración, ou cando o negocio que se traspasa ten máis de 5 traballadores.

O Bono Remuda Rural a axuda poderá incrementarse nun 10%, nalgunha destas circunstancias: negocios adquiridos por persoa menor de 30 anos, ou emigrante retornado, ou persoa estranxeira, o persoa empadroada na mesma localidade en que se atope o negocio.

O gasto deberá estar realizado e abonado entre o 01/10/2025 e o 30/09/2026, salvo remuda mediante alugueiro.

Pola súa banda, as persoas traballadoras autónomas que transmitan o negocio percibirán 6.000 euros (remuda rural) ou 3.000 euros (remuda xeral). En todo caso a contía non pode superar a axuda concedida á beneficiaria principal da remuda.

OBRIGAS, entre outras:

Manter a alta no RETA 36 meses e manter a alta no IAE 36 meses dende o contrato de remuda.

Manter a mesma actividade obxecto de remuda 12 meses; salvo que a subvención se obtivera polo aluguer do local, caso no que deberá manter a mesma actividade 36 meses, dende o contrato de remuda.

Autónomos, mutualistas, as pequenas e medianas empresas e as sociedades cooperativas e laborais, que se constitúan e iniciaran a actividade desde o 01/01/2024, e que realizasen investimentos (facturados e pagados) dende o 01/07/2025 ata a data de solicitude da subvención, nos seguintes conceptos subvencionables:

.- Equipamento informático (excepto móbiles e smartphones).

.- Activos intanxibles (páxinas web, subscripcións de software, creación de programas informáticos, patentes, marcas…)

.- Investimentos en eficiencia enerxética.

.- Bens de equipo e mobiliario.

.- Reforma de locais de negocio (reparacións simples que non modifiquen a estrutura constructiva do inmoble) e rótulos. Exclúese o domicilio habitual da persoa traballadora autónoma.

.- Activos (inmobilizado) pertencentes a un establecemento ou bens de equipo de segunda man (adquiridos a terceiros non relacionado co comprador, a prezo de mercado -taxación- e que non fosen subvencionados con anterioridade).

.- Gastos notariais e rexistrais, cun máximo de 300 € de subvención por beneficiario.

.- Gastos de aluguer, cun máximo de 1.500 € de subvención por beneficiario.

CONTÍA:

.- Para investimentos entre 5.000 e 20.000 €, a contía será do 55%.

.- Para investimentos entre 20.001 e 30.000 €, a contía será do 50%.

.- Para investimentos entre 30.001 e 60.000 €, a contía será do 45%

No suposto de remuda xeracional, a porcentaxe de subvención incrementarase nun 10%.

PRAZO DE SOLITICITUDE: Ata o 02/03/2026, salvo esgotamento de crédito previo.

O groso do orzamento, 40,7 millóns de euros, destínase a unha orde única que unifica cinco programas dirixidos a beneficiar ata 8.700 persoas autónomas. A este paquete súmanse 1,3 millóns de euros para apoiar a contratación indefinida de arredor de 160 persoas desempregadas por parte de autónomos, así como 350.000 euros destinados ás asociacións representativas do colectivo.

Entre as principais novidades desta convocatoria destaca a aposta polo sector primario, o rural e a remuda xeracional. Neste senso, a Xunta amplía a cota cero ata dous anos para aquelas persoas autónomas que inicien a súa actividade en sectores vinculados á agricultura, gandaría e silvicultura, cunha axuda de ata 1.920 euros, fronte aos 12 meses da liña xeral. Ademais, increméntase nun 20 % o orzamento do Bono Remuda, que alcanza os 1,5 millóns de euros, co fin de facilitar a transmisión de negocios.

O paquete de axudas inclúe tamén o Bono Nova Oportunidade, pensado para persoas que retoman o autoemprego; o Bono Autónomo, dirixido a investimentos e melloras en negocios con máis de 42 meses de actividade; e medidas de apoio á conciliación familiar, destinadas a facilitar a continuidade da actividade profesional.

No detalle da orde unificada, 28,9 millóns de euros corresponden ao programa de promoción do emprego autónomo, que contempla tanto o inicio e mantemento da actividade como a garantía da cota cero. O Bono Nova Oportunidade conta con 1,5 millóns, mentres que o Bono Autónomo está dotado con 8 millóns de euros.

Pola súa banda, o Bono Remuda contempla dúas liñas: unha específica para negocios situados en concellos de menos de 10.000 habitantes e outra para municipios de maior tamaño. Tamén se inclúen axudas para persoas que traspasan o negocio por xubilación, con importes que oscilan entre os 3.000 e os 6.000 euros.

As axudas á conciliación, cun orzamento de 750.000 euros, permitirán financiar contratacións para cubrir baixas por maternidade ou paternidade, coidados de persoas dependentes ou servizos de atención familiar.

O prazo para solicitar tanto a orde única como as axudas á contratación abrirá o 11 de febreiro e estenderase ata o 30 de setembro. No caso das axudas ás asociacións de autónomos, o prazo estará aberto do 5 de febreiro ao 4 de marzo. Ademais, o DOG publicou tamén novas axudas ao autoemprego de persoas retornadas, cun orzamento inicial superior ao millón de euros.

Esta campaña funciona a través da páxina web (bonosactivacomercio.gal) e o importe de cada bono irase consumindo en función dos seguintes valores de compra:

• 20 a 30 euros = Desconto de 5 euros
• 30 a 50 euros =Desconto de 10 euros
• Máis de 50 euros= Desconto de 15 euros

Cada cliente ou clienta dispoñerá como máximo dun vale desconto por un importe de ata 30 euros, que poderá descontar en función do crédito dispoñible. Os comercios adheridos pódense consultar na páxina web dos Bonos Activa Comercio.

Os pasos a seguir para conseguir o vale son:

1. Darse se alta desde o teu móbil ou a través da web bonosactivacomercio.gal.
2. Enviaranche un SMS de validación.
3. Activa o teu bono e descárgao.
4. Busca o establecemento onde gastar o teu vale.
5. Amosa o teu código QR no momento do pago.

REQUISITOS:
a) Estar dados de alta en algún dos grupos ou epígrafes do IAE que se relacionan na última páxina.
b) Anunciar no exterior do establecemento, nun lugar visible, a adhesión ao programa mediante a colocación dos correspondentes materiais publicitarios (Isto repetirémolo unha vez o comercio estea dado de alta).
c) Conservar durante un ano todos os tíckets de compra ou facturas xustificativas da aplicación dos bonos, por se hai comprobación por parte da Dirección Xeral de Comercio.
d) Nos tickets de compra debe figurar claramente o importe da compra e o importe descontado.
e) No caso de devolución, o importe da compra poderá ser cambiado por outra compra de prezo igual ou superior ou por un vale sen caducidade polo importe correspondiente. O comerciante non poderá abonar ao consumidor, en ningún caso, diñeiro en efectivo ou na tarxeta de crédito.

ALTA COMERCIOS:
1) Entrar en https://www.bonosactivacomercio.gal
2) Hai un apartado para Alta comercio e outro para alta usuarios
3) Entrar en Alta Comercios e cubrir o formulario de inscripción coa seguinte información:
• Nome e apelidos ou razón social.
• Establecemento comercial en Galicia.
• NIF ou CIF.
• Nome, apelidos e DNI ou NIE da persoa representante.
• Nome comercial.
• Direción do establecemento comercial.
• Número de teléfono móbil.
• Correo electrónico.
• IAE (incluído no anexo I).
• IBAN da conta bancaria.
• Páxina web do establecemento comercial.
4) Unha vez introducidos os datos e dar a rexistrar logo chegarache un mail a túa direción de correo electrónico.
5) Hai que revisar que todos os datos estean ok e firmar a declaración responsable manifestando o cumprimento das condicións establecidas e a veracidade dos datos indicados (fírmase dixitalmente no propio proceso).
6) Unha vez temos o rexistro listo, descargamos a App no móbil e accedemos co noso usuario e clave de acceso.
7) No momento da venda o comerciante ten que introducir na App o importe da compra, e escanear co móbil en código QR que ten o cliente descargado no seu teléfono, e xa aparece o desconto que corresponde aplicar de forma automática.
OLLO: O bono pose un formato dixital en forma de código QR que o cliente levará descargado no seu móbil… ese código QR é o que tedes que escanear para poder  aplicarlle o desconto.
8) Na App que o comerciante ten descargada no seu móbil, pode ver todos os seus datos e os importes das compras realizadas, os importes dos descontos e o que os leva abonado a Xunta ou o que está pendente de pago.
9) O prazo para adherirse ao programa será do 13 de outubro de 2022 ata o 30 de novembro de 2022.

¿COMO CONSEGUE A CLIENTELA OS BONOS?
1.- Na misma página https://www.bonosactivacomercio.gal en está o outro apartado para que a clientela consiga o seu bono de 30€.
Desconto Importe das compras
5,00 € Entre 20 € e 30 €
10,00 € Entre 30 € e 50 €
15,00 € Igual ou superior a 50 €
2.- Introducen os seus datos e descárganse un Código QR que será o que ensinen no momento da compra para poder ter o desconto correspondente (Descargas para Apple Wallet ou Android)
3.- Os Bonos serán válidos ata o 31/12/22.

GRUPOS E EPÍGRAFES IAE
651.1. Comercio polo miúdo de produtos téxtiles, confeccións para o fogar, alfombras e
similares e artigos de tapizaría.
651.2. Comercio polo miúdo de toda clase de pezas para o vestido e toucado.
651.3. Comercio polo miúdo de lenzaría e corsetería.
651.4. Comercio polo miúdo de artigos de mercería e paquetaría.
651.5. Comercio polo miúdo de pezas especiais.
651.6. Comercio polo miúdo de calzado, artigos de pel e imitación ou produtos substitutivos,
cintos, carteiras, bolsos, maletas e artigos de viaxe en xeral.
651.7. Comercio polo miúdo de confeccións de peletaría.
652.2. Comercio polo miúdo de produtos de drogaría, perfumaría e cosmética, limpeza,
pinturas, vernices, disolventes, papeis e outros produtos para a decoración e de produtos
químicos.
652.3. Comercio polo miúdo de produtos de perfumaría e cosmética, e artigos para a hixiene
e o aseo persoal.
652.4. Comercio polo miúdo de plantas e herbas en herbolarios.
653.1. Comercio polo miúdo de mobles (agás os de oficina).
653.2. Comercio polo miúdo de material e aparellos eléctricos, electrónicos,
electrodomésticos e outros aparellos de uso doméstico accionados por outro tipo de enerxía
distinta da eléctrica, así como de mobles de cociña.
653.3. Comercio polo miúdo de artigos de enxoval, ferraxaría, adorno, agasallo ou reclamo
(incluíndo bixutería e pequenos electrodomésticos).
653.6. Comercio polo miúdo de artigos de bricolaxe.
653.9. Comercio polo miúdo doutros artigos para o equipamento do fogar NCOP.
656. Comercio polo miúdo de bens usados tales como mobles, roupa e enxoval ordinario
de uso doméstico.
657. Comercio polo miúdo de instrumentos musicais en xeral, así como dos seus accesorios.
659.1. Comercio polo miúdo de selos, moedas, medallas conmemorativas, billetes para
coleccionistas, obras de arte e antigüidades, minerais soltos ou en coleccións, fósiles,
insectos, cunchas, plantas e animais disecados.
659.2. Comercio polo miúdo de mobles de oficina e de máquinas e equipamentos de oficina.
659.3. Comercio polo miúdo de aparellos e instrumentos médicos, ortopédicos, ópticos e
fotográficos.
659.4. Comercio polo miúdo de libros, xornais, artigos de papelaría e escritorio, e artigos
de debuxo e belas artes.
659.5. Comercio polo miúdo de artigos de xoiería, reloxaría, prataría e bixutería.
659.6. Comercio polo miúdo de xoguetes, artigos de deporte, pezas deportivas de vestido,
calzado e toucado, armas, cartucharía e artigos de pirotecnia.
659.7. Comercio polo miúdo de sementes, fertilizantes, flores e plantas e pequenos animais.
659.8. Comercio polo miúdo denominado sex-shop.
659.9. Comercio polo miúdo doutros produtos non especificados nesta agrupación, excepto
os que deban clasificarse na epígrafe 653.9.
972.1. Servizos de barbaría de señora e cabaleiro.
972.2. Salóns e institutos de beleza e gabinetes de estética.