O vindeiro luns, 12 de abril, remata o período para solicitar praza nas escolas infantís, como é a Galiña Azul situada na rúa María Barbeito, en Melide.
Para poder solicitar a praza deste centro educativo, os cativos e cativas deben ter, aló menos, tres meses no momento de comezar o curso (o día 6 de setembro) e menos de tres anos a 31 de decembro deste ano (no caso de nenos e nenas con necesidades específicas de apoio educativo este límite pode variar). No caso, de que a familia xa solicitante tivera previamente un fillo ou filla na escola debe estar ao corrente de pago, é dicir, sen débedas.
Durante o próximo curso (2021 – 2022) volverase aplicar a gratuidade da matrícula e cotas para os segundos descendentes e sucesivos, tanto nas escolas autonómicas como nas municipais.
Última semana para solicitar praza nas escolas infantís
